“Twitter”in ən böyük səhmdarlarından biri olan Səudiyyə şahzadəsi Əl-Valid bin Talal Əl Səud “Tesla” və “SpaceX”in yaradıcısı, planetin ən varlı adamı İlon Maskın sosial şəbəkənin səhmlərinin 100%-ni almaq təklifini rədd edib.

OXU24.COM "oxu.az"a istinadən xəbər verir ki, səudiyyəli şahzadə bu barədə öz “Twitter” hesabında yazıb:

“Mən inanmıram ki, Maskın təklif etdiyi qiymət şirkətin inkişaf perspektivlərini nəzərə alaraq “Twitter”in həqiqi dəyərinə yaxındır. Twitter-in ən böyük və ən uzunmüddətli səhmdarlarından biri kimi mən bu təklifi rədd edirəm”.

Qeyd edək ki, Amerikanın elektrik avtomobil istehsalçısı “Tesla”nın baş direktoru İlon Mask “Twitter”i 41 milyard dollara almaq təklifi ilə çıxış edib.