Ukrayna qəhrəmanı Valeri Çibineyev Qostomel yaxınlığındakı döyüşlərdə həlak olub.

Oxu24.com  UNİAN-a istinadən xəbər verir ki, bu barədə Berdyansk Şəhər Şurasının mətbuat xidməti feysbuk səhifəsində məlumat yayıb.

34 yaşlı V.Çibineyev 2010-cu ildə leytenant rütbəsi ilə hava desant-hücum briqadasının sıralarına qoşulub. 2016-cı ildə Ukrayna Qəhrəmanı Ulduzu ilə təltif edilib.

2019-cu ildə onun qardaşı, 79-cu hava desant-hücum briqadasının komandiri Roman Çibineyev də rus hərbçilərinin atəşi nəticəsində dünyasını dəyişib.

Qeyd edək ki, Qostomeldə ağır döyüşlər davam edir. Kiyev vilayəti polisinin mətbuat xidməti bildirib ki, Qostomel çətin vəziyyətin yarandığı şəhərlərdən biridir. Hazırda şəhərdə hava hücumunun nəticələri aradan qaldırılır.