Qarabağın ermənilər yaşayan hissəsində baş verən avtoqəza erməniləri çıxılmaz vəziyyətə salıb.

Oxu24.com  erməni mediasına istinadən xəbər verir ki, hadisə Xocavənd ərazisində baş verib. Hadisə zamanı yaralanan uşaq Rusiya sülhməramlılarına məxsus helikopterlə İrəvana (?!-red) aparılıb. Bu barədə Qarabağ separatçılarının nümayəndəsi Artak Beqlaryan məlumat verib. Separatçının dediyinə görə, 19 yanvarda baş verən qəza nəticəsində 4 uşaq xəsarət alıb, onlardan üçü orta dərəcəli, biri isə ağır yaralanıb. Bu səbəbdən onu təcili İrəvana çatdırmaq qərarı verilib. Ancaq hava şəraiti ilə əlaqədar olaraq sülhməramlıların helikopteri 21 yanvarda havaya qalxıb.

Həkimlərin müşayiəti ilə uşaq Ermənistana aparılıb və əməliyyata götürülüb. Separatçılar rus sülhməramlıların komandanı general-mayor Andrey Volkova təşəkkür etməyi də unutmayıblar.

İstənilən halda, sülhməramlılara məxsus helikopterin Azərbaycan ərazisindəki yaralını Bakıya deyil, İrəvana aparması əcaibdir. Azərbaycandan icazə alınıbmı?..