Şimali Kuril adaları sahillərində güclü zəlzələ qeydə alınıb.

OXU24.COM  xəbər verir ki, bu barədə Yujno-Saxalinsk seysmoloji stansiyasının rəhbəri Yelena Semenova məlumat verib.

Ekspertin sözlərinə görə, yeraltı təkanların gücü 6,1 bal olub və yerli vaxtla saat 21:24-də (Bakı vaxtı ilə 14:24) qeydə alınıb. Təbii fəlakətin episentri Oxot dənizində olub.

Semenovanın sözlərinə görə, zəlzələnin mənbəyi 291 km dərinlikdə və Matua adasından 86 km məsafədə yerləşib. Yeraltı təkanlar Paramuşir adasındakı Severo-Kurilsk şəhərinin sakinləri tərəfindən hiss olunsa da, onların gücü üç baldan çox olmayıb.