12 milyon il əvvəl yaşamış timsah aşkar edilib

 Perunun paytaxtı Limadan təxminən 350 kilometr cənubda yerləşən Ocucaje səhrasında gənc qarialın skeleti aşkar edilib.

 

Oxu24.com xəbər verir  ki, bu kəşf barədə Phys.org portalı məlumat yayıb.

 

Fosil xəzinəsi kimi tanınan Ocucahe səhrası artıq dünyaya Miosen dövründə (təxminən 23 milyon il əvvəl) yaşamış qədim balinaların, delfinlərin, köpəkbalıqlarının və digər heyvanların qalıqlarını gətirib.

Yeni tapıntı Piscogavialis cinsindən olan qədim balıq yeyən timsah idi. Fosil kəllə, çənələr, ətraflar və qabırğalar da daxil olmaqla demək olar ki, tamamilə qorunub saxlanılmışdır.

Qədim timsahın müasir qohumu hind gharialıdır (Gavialis gangeticus). Bənzər bədən quruluşuna malikdir.

Skeletin rekonstruksiyasına rəhbərlik edən paleontoloq Mario Qamarra, "Biz ilk dəfədir ki, bu növün belə gənc nümayəndəsini kəşf edirik" dedi.

Tapıntı nəinki qədim timsahların həyatının xüsusiyyətlərini aşkar edir, həm də bu torpaqların su altında qaldığı Miosen dövrünün faunasının müxtəlifliyi haqqında yeni məlumatlar əlavə edir.

İndi paleontoloqlar bu timsahın həyatı və qədim dənizdəki mümkün qonşuları haqqında daha çox məlumat tapmaq üçün bölgəni öyrənməyə davam etməyi planlaşdırırlar.

Bundan əvvəl Kamçatkada ilk dəfə balıqların reproduktiv təcrid edilməsi halı qeydə alınıb.

 

Nigar