"Forbes" jurnalının yazdığına görə, sahibkar İlon Mask ABŞ-ın ən zəngin adamı adını qoruyub saxlayıb.

OXU24.COM  nəşrə istinadən xəbər verir ki, "Tesla"nın yaradıcısı və X sosial şəbəkəsinin sahibi üçüncü ildir ki, reytinqin lideri olaraq qalır.

"Forbes"in Amerikanın ən varlı adamları siyahısında 400 nəfər var. 2024-cü ildə onların ümumi sərvəti 5,4 trilyon dollar olmaqla rekord həddə qiymətləndirilib.

İş adamı İlon Mask il ərzində yeddi milyard dollar itirməsinə baxmayaraq, ən zəngin amerikalı statusunu qoruyub. Hazırda onun sərvəti 244 milyarddır.

Reytinqdə ikinci yerdə kapitalı 197 milyard dollar dəyərində qiymətləndirilən "Amazon"un qurucusu Ceff Bezosdur. Sərvəti 181 milyard dollara yüksələn Mark Zukerberq üçüncü yerdə qərarlaşıb.