Rusiya prezidenti Vladimir Putin Rusiya Silahlı Qüvvələrinin ştat səviyyəsinin müəyyən edilməsi haqqında fərman imzalayıb.

Oxu24.com xəbər verir  ki, sənəd rəsmi hüquqi informasiya portalında dərc olunub.

Fərmana əsasən, Rusiya Silahlı Qüvvələrinin ştat səviyyəsi 2 milyon 389 min 130 nəfər, o cümlədən 1 milyon 500 min nəfər hərbi qulluqçu olacaq. Fərman 2024-cü ilin dekabrında qüvvəyə minir.

Putinin 2023-cü ilin dekabrında imzaladığı əvvəlki oxşar fərmanla Rusiya Silahlı Qüvvələrinin ştat səviyyəsi 2 209 130 nəfərə (1 329 000 hərbi qulluqçuya) yüksəlib. Belə ki, Putin Rusiya ordusunun şəxsi heyətini 180 min nəfər artırıb.

Rusiya Müdafiə Nazirliyi hələlik Putinin yeni fərmanını şərh etməyib.

Bundan əvvəl Rusiya Federasiyasının prezidenti 2022-ci ilin avqustunda ordunun sayını artırıb.

Miri