Türkiyə Xarici İşlər Nazirliyi Əfqanıstanın Daykundi əyalətində törədilən terror aktını pisləyib və hücumda həyatını itirənlərə başsağlığı verib.

Oxu24.com xəbər verir   ki, Nazirlikdən verilən yazılı açıqlamada Daykundi vilayətində törədilən terror aktı nəticəsində ölən və yaralananların olduğu kədərlə qeyd edilib.

Daykundi və Qor əyalətlərinin sərhəddində yerləşən Karyudal bölgəsində şəxsiyyəti hələlik məlum olmayan silahlı şəxslərin şiə həzaralarına hücumu nəticəsində 14 nəfər ölüb, 4 nəfər yaralanıb.

Bildirilib ki, hücuma məruz qalanlar Daykundi vilayətinin Sengi Taht rayonunun sakinləridir və Kərbəlayı ziyarət edən qohumları ilə görüşmək üçün Karyudal bölgəsinə gediblər.

Hücuma görə məsuliyyəti İŞİD  terror təşkilatı üzərinə götürüb.

Nigar