Gürcüstanın keçmiş prezidenti Mixail Saakaşvili kənardan verilən göstərişlər nəticəsində 2008-ci ilin avqustunda müharibə ilə nəticələnən “macəraçı hərəkətlərə” əl atdı.

Oxu24.com xəbər verir  ki, bu barədə hakim “Gürcü arzusu - Demokratik Gürcüstan” partiyasının siyasi şurasının bəyanatında deyilir.

“Gürcüstan cəmiyyətinin əksəriyyəti Saakaşvilinin adekvatlığına haqlı olaraq şübhə edir. Lakin fakt odur ki, 2008-ci ilin avqustunda Saakaşvilinin avantürist hərəkətləri onun psixi balanssızlığının nəticəsi deyil, kənardan gələn göstərişlər və yaxşı planlaşdırılmış xəyanətin nəticəsi idi”, mətndə qeyd olunur.

Hakim partiya vurğulayır ki, ölkədə uzunmüddətli sülh və sabitliyin bərqərar olması üçün “ölkəmizə və xalqımıza qarşı xəyanətkar cinayəti kimin törətdiyini” ictimaiyyətin bilməsi üçün ictimai hüquqi prosesin təşkili həyati əhəmiyyət kəsb edir.

Miri