Avstriyanın xarici işlər naziri Aleksandr Şallenberq mətbuatda Vyananın NATO ilə əməkdaşlığı artırmaq planları ilə bağlı yayılan xəbərlər fonunda respublikanın alyansa üzv olmaq niyyətində olmadığını bildirib.

Oxu24.com  xəbər  verir   ki, “Biz ora girməyi planlaşdırmırıq” deyən nazir ölkənin Milli Şurasının (parlamentin aşağı palatası) xarici siyasət komitəsi qarşısında çıxış edərkən bildirib.

Onun sözlərinə görə, Avstriya neytral dövlətlərin “unudulmaması” üçün digər neytral dövlətlərlə - İrlandiya, Malta və İsveçrə ilə məlumat mübadiləsi aparmağa çalışır.

Bundan əvvəl Die Presse qəzeti Avstriya, İrlandiya, Malta və İsveçrədən ibarət dörd neytral Avropa dövlətinin 2023-cü ilin sonunda Şimali Atlantika Alyansına geniş əməkdaşlıq təklifi ilə məktub göndərdiyini yazıb.

Nəşrin məlumatına görə, Finlandiya və İsveç NATO-ya daxil olduqdan sonra bu dövlətlər öz qruplarını WEP4 (Qərbi Avropanın dörd tərəfdaşı) kimi yerləşdirmək niyyətindədirlər.

Məktubda WEP4 dövlətləri NATO-nun hərbi manevrlərində iştiraklarını genişləndirmək niyyətlərini, həmçinin NATO sənədlərinə və məlumatlarına imtiyazlı çıxış əldə etmək, kəşfiyyat məlumatlarının mübadiləsini artırmaq, kibertəhlükəsizlik sahələrində alyansla qarşılıqlı əlaqə yaratmaq, kritik infrastrukturun qorunması və yeni pozucu texnologiyalarla mübarizə məsələləri də öz əksini tapıb.

Miri