AP Baş Assambleyasının Strasburqda keçirilən sessiyasında Aİ-nin yeni maliyyə qaydaları səs çoxluğu ilə qəbul edilib.

Oxu24.com  xəbər  verir   ki,müvafiq olaraq, üzv ölkələrin dövlət borcları və büdcə kəsirləri mərhələli, davamlı və böyüməyə uyğun şəkildə azalacaq.

Rəqəmsal və yaşıl transformasiya, sosial və müdafiə xərcləri də daxil olmaqla müəyyən strateji sahələrə investisiyalar qorunacaq.

Bəzi ölkələrə "istinad orbiti" təklif olunacaq

Komissiya dövlət borcunun ÜDM-in 60 faizindən çox olduğu və ya dövlət kəsirinin ÜDM-in 3 faizindən çox olduğu üzv ölkələrə istinad trayektoriyaları təqdim edəcək.

İstinad trayektoriyası üzv ölkənin dövlət borcunun 4 illik fiskal uyğunlaşma dövrünün sonunda ağlabatan azalma tendensiyası göstərməsini və ya orta müddətli perspektivdə ehtiyatlı səviyyədə qalmasını təmin etməyə yönəldiləcək.

Bu istinad trayektoriyası borc səviyyələrini azaltmaq, borcun davamlılığını qorumaq və büdcə kəsirini 3 faizdən aşağı saxlamaq məqsədi daşıyacaq.

Dövlət borcunun ÜDM-in 90 faizindən çox olduğu ölkələr onu ildə orta hesabla 1 faiz, 60 faizi keçən ölkələr isə orta hesabla 0,5 faiz azaldacaq.

Büdcə kəsiri ÜDM-in 3 faizindən yuxarı olan ölkələr bu kəsiri azaltmalıdır.

Üzv ölkələr artım potensialını artıran və ya Aİ-nin ümumi prioritetlərini həll edən sahələrə əhəmiyyətli investisiyalar həyata keçirərsə, 4 illik maliyyə tənzimlənməsi müddəti 7 ilə qədər uzadıla bilər.

Aİ qaydalarına görə, normal şəraitdə üzv ölkələrin büdcə kəsirləri ÜDM-nin 3 faizindən, dövlət borcları isə ÜDM-nin 60 faizindən çox olmamalıdır. Bu həddi aşdıqda, həyata keçiriləcək tədbirlər barədə Aİ Komissiyasına məlumat verilməli və təsirli tədbirlər görülməlidir.

Bununla belə, Aİ-yə üzv dövlətlər büdcə kəsirlərini və dövlət xərclərini sürətlə artıran COVID-19 epidemiyası səbəbindən bu qaydaları 2020-ci ildə dayandırmaq qərarına gəliblər. 

Avropa İttifaqına üzv ölkələr arasında dövlət borcunun ÜDM-ə nisbəti ən yüksək olan ölkələr yüzdə 161,9 ilə Yunanıstan, yüzdə 137,3 ilə Fransa, yüzdə 107,7 ilə İspaniya və yüzdə 105,2 ilə Belçikadır.

Bu yeni qaydalar üzv dövlətlərin təsdiqindən sonra Aİ-nin rəsmi jurnalında dərc edildikdən sonra qüvvəyə minəcək.

Nigar