Əfqanıstanda nikahda zina edən qadınlara cəza tətbiq etməyə hazırlaşırlar.

Onlar xalqın gözü qarşısında daşqalaq edilərək öldürüləcəklər.

Oxu24.com “The Telegraph”-a istinadən  xəbər verir ki, bunu “Taliban” hərəkatının ali lideri Heybətullah Axundzadə deyib.

"Qadınları daşqalaq edəndə bunun hüququnun pozulması olduğunu deyirsiniz. Amma tezliklə zinaya görə cəza tətbiq edəcəyik. Qadınları camaatın gözü qarşısında döyəcəyik. Onları camaatın gözü qarşısında daşqalaq edəcəyik", - deyə  O audiomüraciətində bildirib.

Axundzadənin sözlərinə görə, Taliban insan haqlarını “Allahın nümayəndələri kimi”, Qərb hakimiyyəti isə “şeytanın nümayəndələri kimi” müdafiə edir.

O, həmçinin bildirib ki, beynəlxalq ictimaiyyət tərəfindən müdafiə olunan qadın hüquqları Talibanın İslam şəriətində qadınların rolu ilə bağlı şərhinə ziddir.

Nigar