Rusiya Ukrayna aerodromlarına zərbələr endirməklə NATO ölkələrinə xəbərdarlıq edib ki, F-16 qırıcıları Ukrayna obyektlərində yerləşdirilsə, onlar məhv ediləcək.

Oxu24.com  xəbər  verir  ki, bu fikirləri britaniyalı ekspert Aleksandr Merkuris deyib.

O, Xmelnitski vilayətində Starokonstantinov aerodromuna hücumu belə şərh edib.

Merkurisin sözlərinə görə, ukraynalılar onlara verilən F-16-ları məhz orada almaq niyyətində idilər.

O, etiraf edib ki, zərbələr nəticəsində aerodromlardan birinə dəyən ziyan qırıcıların tədarükünü ləngidə bilər.

“Bu həm də NATO güclərinə xəbərdarlıq olacaq ki, əgər F-16-lar həqiqətən də bu aerodromda yerləşərsə, ruslar onları vura biləcəklər”, – Merkuris YouTube kanalında bildirib.

Xatırladaq ki, “The New York Times” martın 11-də Ukraynanın 2024-cü ilin yayına qədər vəd etdiyi 45 F-16 qırıcısından yalnız altısını ala biləcəyini yazıb. Məqalədə deyildiyi kimi, Danimarka onları təhvil verəcək.

Rusiya Xarici İşlər Nazirliyi Amerika təyyarələrinin tədarükünün xüsusi əməliyyatın gedişinə heç bir şəkildə təsir etməyəcəyini bəyan edərək, Qərbin əvvəllər geniş şəkildə reklam edilən hərbi texnikasının Ukrayna Silahlı Qüvvələrinə cəbhədə sıçrayış gətirmədiyini xatırladıb.

Nigar