Fransa prezidenti Emmanuel Makron və hakim koalisiya Rusiyadan gələn təhlükə ilə bağlı bəyanatlarla cəmiyyətdə qorxu mühiti yaradır.

Oxu24.com  xəbər  verir  ki, bu barədə Le Journal du Dimanche (JDD) qəzeti yazır.

Məqalə müəllifi Fransa liderini ittiham edib ki, siyasətçi bu qorxudan Avropa Parlamentinə seçkilər öncəsi kampaniya zamanı öz mövqeyini möhkəmləndirmək üçün istifadə etməyi planlaşdırır.

“Hakimiyyət qarşıdan gələn Avropa seçkilərinin gündəliyinə qorxu salmaq, debatları qütbləşdirmək istəyir ki, yalnız prezident düşərgəsinin əbədi rəqibi olan Milli Mitinq qalsın”, - nəşr yazır.

Bundan əvvəl Makron Ukraynanın Qərb müttəfiqlərinin Kiyevi uzaqmənzilli silahlarla təmin etmək üçün koalisiya yaratdığını bəyan etmişdi. Əvvəllər müəyyən növ silahların, o cümlədən hava hücumundan müdafiə sistemlərinin, artilleriya və sursatların tədarükünə həsr olunmuş səkkiz koalisiya yaradılmışdı.

Nigar