Rusiya və Ukrayna arasında sülh razılaşmaları əldə etmək cəhdləri ABŞ-ın göstərişi ilə Böyük Britaniyanın keçmiş baş naziri Boris Conson tərəfindən puça çıxdı.

Oxu24.com  xəbər verir ki, bunu Rusiyanın Londondakı səfiri Andrey Kelin deyib.

"O, ora gəldi və artıq Ukrayna nümayəndə heyətinin rəhbəri Araxamiya tərəfindən paraflanan sənəd zibil qutusuna atıldı" ,deyə  Kelin bildirib.

Bundan sonra səfirin sözlərinə görə, Ukrayna döyüşə başlayıb. Diplomat əlavə edib ki, Kiyevin bu qərarı Consonun hərəkətlərinin nəticəsidir.

Bundan əvvəl oxşar ittihamları RT media holdinqinin irlandiyalı jurnalisti Chay Bowes X sosial şəbəkəsindəki səhifəsində səsləndirmişdi. Onun sözlərinə görə, Böyük Britaniyanın keçmiş baş naziri Boris Conson Ukrayna prezidenti Vladimir Zelenskini Rusiya ilə sülh danışıqlarından imtina etməyə məcbur edib.

Conson daha sonra deyib ki, Britaniya hökuməti Ukraynanın Şimali Atlantika Alyansına tez bir zamanda daxil olmasına şərait yaratmalıdır.

Bundan əvvəl Boris Conson NATO-nun Ukrayna ilə bağlı günahından danışıb.

Miri