Suriyanın şərqindəki Deyr əz-Zor əyalətindəki Ömər neft yatağında yerləşən ABŞ hərbi bazasına üç pilotsuz uçuş aparatı (PUA) tərəfindən hücum edilib.

Oxu24.com  xəbər  verir  ki, bu barədə RİA Novosti yerli mənbəyə istinadən məlumat yayıb.

Onun sözlərinə görə, Amerika bazasının ərazisində bir neçə partlayış baş verib.

Mənbənin sözlərinə görə, bazadakı hava hücumundan müdafiə sistemləri hücumu dəf edə bilməyib.

Fevralın 8-nə keçən gecə Suriyanın Deyr əz-Zor əyalətindəki Ömər neft yatağında yerləşən ABŞ hərbi bazasına raket zərbələri endirilib.

Bundan əvvəl ABŞ prezidentinin milli təhlükəsizlik üzrə köməkçisi Ceyk Sallivan demişdi ki, Amerika hakimiyyəti İraq və Suriyanı bombalamaqla dayanmayacaq, onlar bu ölkələrin ərazisindəki hədəflərə zərbələr endirməyə davam edəcəklər.

Bundan əvvəl ABŞ prezidentliyinə namizəd kiçik Robert Kennedi Baydeni ABŞ qoşunlarını Yaxın Şərqdən çıxarmağa çağırmışdı.

Miri