Fermerlərin etiraz aksiyası zamanı mindən çox traktor Avropa Birliyinin Brüsseldəki qərargahını tamamilə bağlayıb.

Oxu24.com xəbər  verir ki,Fevralın 1-də Avropa İttifaqının siyasətindən narazı qalan fermerlər Avropa Parlamenti qarşısında genişmiqyaslı etiraz aksiyası keçiriblər.

"Avropa İttifaqının qərargahı tamamilə bağlanıb. Küçələrin ortasında mindən çox traktor yerləşdirilib", - müxbir bildirib.

Avropa İttifaqı liderlərinin bir araya gəldiyi sammitin keçirildiyi yerin yaxınlığında nümayişçilər təkərlərdən tonqal yandırır.

Genişmiqyaslı fermer üsyanı artıq Fransada mağazalarda ərzaq qıtlığına səbəb olub. Belə ki, piştaxtalardan çörək, tərəvəz və ət yox olmağa başlayıb.

Etirazların fonunda Avropa Şurasının prezidenti Çarlz Mişel 27 Aİ ölkəsinin hamısının Ukraynaya 50 milyard avro dəyərində yeni yardım paketi ilə bağlı razılığa gəldiyini açıqlayıb.

Etirazlar zamanı Fransa prezidenti Emmanuel Makron hətta İsveç kralı və kraliçasının yanında dəbdəbəli qala şam yeməyinə də gedib.

Nigar