Qərb mediası Hindistan hökumətinin bəyanatına istinadən xəbər verir ki, Hindistan və Fransa Hindistan silahlı qüvvələri və dost ölkələr üçün hərbi texnikanın, o cümlədən helikopterlərin və sualtı qayıqların birgə istehsalına dair razılığa gəliblər.

Oxu24.com  xəbər  verir  ki, Fransa prezidenti Emmanuel Makronun Hindistana səfəri zamanı razılaşmalar əldə olunub.

Bir gün əvvəl o, Hindistanın Respublika Günü şərəfinə keçirilən hərbi paradın baş qonağı olub, baş nazir Narendra Modi ilə görüşüb və Hindistan prezidenti Draupadi Murmunun dövlət ziyafətində iştirak edib.

Açıqlamaya görə, Makron və Modi hərbi istehsal, nüvə enerjisi, kosmik tədqiqatlar, səhiyyə, kənd təsərrüfatı və iqlim dəyişikliyində süni intellektin istifadəsi sahələrində əlaqələri genişləndirmək barədə razılığa gəliblər.

O cümlədən, Hindistanda Fransanın Safran SA şirkətinin ən müasir mühərrikləri, eləcə də Fransa istehsalı olan Dassault Rafale qırıcılarının mühərrikləri üçün təmir və texniki xidmət mərkəzi açılacaq.

Lakin əməliyyatların dəyəri göstərilməyib.

Hindistan konqlomeratı Tata Group və Airbus da mülki helikopterlərin istehsalına dair müqavilə imzalayıb.

Bundan əlavə, ölkələr Fransanın Reunion adasının xarici departamentindən 2020 və 2022-ci illərdə həyata keçirilən birgə kəşfiyyat missiyalarının təcrübəsinə əsaslanaraq, Hind okeanının cənub-şərqində əməkdaşlığı gücləndirmək qərarına gəliblər.

Müəllif:Afət