Avropa İttifaqının yüksək səviyyəli xarici siyasət rəsmiləri Avropa Komissiyasının sədri Ursula fon der Leyeni Serbiya seçkilərini və seçici saxtakarlığı ilə bağlı xəbərləri araşdırmağa çağırıb.

Oxu24.com  xəbər  verir  ki,bu barədə “Politico” qəzeti rəsmilərin blokun ali rəhbərliyinə, o cümlədən Avropa Komissiyasının rəhbərinə ünvanlanmış məktubuna istinadən yazır.

“Biz Aİ-ni seçki pozuntuları və saxtakarlıq iddiaları ilə bağlı bütün hesabatlar üzrə müstəqil araşdırma aparmağa çağırırıq”, - məktubda deyilir.

Sənəddə etiraf edilir ki, “istintaqın nəticələrindən asılı olaraq” Serbiyada təkrar seçkilər tələb oluna bilər.

Nəşrin məlumatına görə, sənədi Aİ-nin beynəlxalq münasibətlər sahəsində çalışan 20-dən çox yüksək vəzifəli siyasətçisi göndərib.

Dekabrın 17-də ölkədə keçirilən seçkilərin nəticələri ilə razılaşmayan “Serbiya zorakılığa qarşı” müxalifət blokunun tərəfdarları demək olar ki, hər gün səsvermənin nəticələrinə yenidən baxılması üçün aksiyalar təşkil edirlər. Dekabrın 25-də etirazçılar Belqrad meriyasına hücum etməyə cəhd ediblər, dekabrın 29-da isə şəhərin mərkəzindəki küçəni bağlayıblar.

Dekabrın 17-də seçkilərin keçirilməsi ilə bağlı şikayətlərdən sonra Seçki Komissiyası dekabrın 30-da Serbiyada keçiriləcək parlament seçkiləri üçün 35 seçki məntəqəsində (ölkədə ümumilikdə 8,3 minə yaxın seçki məntəqəsi var) təkrar səsvermənin keçirilməsinə göstəriş verib.

Ertəsi gün Serbiya prezidenti Aleksandr Vuçiç Serbiyada inqilabın mümkün olmadığını bildirib, çünki ölkə vətəndaşları bəzi seçki məntəqələrində təkrar səsvermənin nəticələrinə görə hakim koalisiyaya dəstək ifadə ediblər.

Serb siyasətçi daha əvvəl Belqradda iğtişaşların təşkilində Almaniyanın izini görüb.

Müəllif:Afət