İsrail ordusunun Qəzza zolağına hücumlarının 100-cü gününə girdiyi bir vaxtda İsrailin baş naziri Benyamin Netanyahu Qəzzaya hücumların "aylarla davam edəcəyini" açıqlayıb.

Oxu24.com xəbər  verir  ki, “The Times of Israel” qəzetində çıxan xəbərə görə Netanyahu, Nazirlər Kabinetinin Qəzzada “müharibə” səbəbiylə 2024-cü il büdcəsində Təl-Əviv rəhbərliyinin edəcəyi dəyişikliyi səs vermədən əvvəl İsrailin Qəzzada hərbi varlığı və müharibə büdcəsi ilə bağlı qiymətləndirmələr edib. .

İsrailin baş naziri vurğuladı ki, yeni müharibə büdcəsi keçən il qəbul edilmiş ilk 2024-cü il büdcəsi ilə müqayisədə planlaşdırılandan çox daha böyük təhlükəsizlik xərclərini ehtiva edir.

Sözügedən büdcə dəyişikliyinin bir gün ərzində qəbul edilməsini istədiyini ifadə edən Netanyahu, “Nə qədər uzun olsa da, burada oturmağa hazıram, imkan daxilində bu işi bu gecə bitirəcəyik” ,-deyə o bildirib.

HƏMAS-ın silahlı qanadı İzzəddin əl-Qəssam Briqadaları 7 oktyabr 2023-cü il tarixində "Məscidül-Əqsa başda olmaqla fələstinlilərə və müqəddəs dəyərlərə qarşı davamlı pozuntulara cavab vermək" səbəbi ilə İsrailə qarşı hərtərəfli hücuma keçib.

İsrail oktyabrın 7-də baş verən hücumlarda 1200 israillinin öldüyünü, 5132 nəfərin yaralandığını açıqlayıb.

İsrailin Qəzza zolağında xəstəxanaları, məktəbləri, məscidləri və kilsələri hədəfə aldığı yaxın tarixin ən dağıdıcı və qanlı hücumlarından 100 gün keçdiyi üçün əksəriyyəti uşaq və qadın olmaqla təxminən 24 min fələstinli həyatını itirib, ən azı 60 min insan həlak olub. 

Müəllif:Afət