Musiqi ilə hər cür qarşılıqlı əlaqə orqanizm üçün faydalıdır - dinləmək, oxumaq, musiqi alətlərində çalmaq və s.

OXU24.COM  "Medicina"ya istinadən xəbər verir ki, Hannover Musiqi, Dram və Media Universitetinin (Almaniya) Musiqi Fiziologiyası və Tibb İnstitutunun əməkdaşları araşdırmalar nəticəsində musiqinin psixi sağlamlığa müsbət təsiri sübut olunub.

Musiqi və sağlamlıqla əlaqəli 26 tədqiqatdan əldə edilən məlumatların sistematik təhlilini və meta-analizini aparıblar.
Tədqiqatlarda 779 nəfər iştirak edib. Onların hamısı, digərləri ilə yanaşı, psixi və fiziki sağlamlıqları ilə bağlı standart sorğudan keçiblər.

Sonda məlum olub ki, musiqi psixi sağlamlıq və həyat keyfiyyətinə müntəzəm məşqdən və ya çəkinin normallaşdırılmasından heç də az fayda gətirmir.

Musiqi dinləmək, musiqi terapiyası, oxumaq, o cümlədən xor oxumaq, musiqi alətlərində ifa etmək - bütün bunlar insanların psixi vəziyyətinin əhəmiyyətli dərəcədə yaxşılaşması ilə əlaqələndirilir, həm də onların fiziki vəziyyətinə xeyir verir.

Musiqi ilə hər hansı ünsiyyət müxtəlif xəstəlikləri olan xəstələrin psixoloji vəziyyətinin yaxşılaşmasına və sağalmasına kömək edir.

Mənəvi rahatlıq axtarışında olanlar üçün klassiklərin musiqi əsərləri köməyə gələ bilər. Vivaldi, Motsart, Çaykovski, Bethoven, Şubert, Qriq və Şumanın əsərlərini dinləyərkən rifah və fəaliyyətə müsbət təsir qeyd olunur.

Klassikləri dinləyəndə insan beyninin yaradıcılığa cavabdeh olan strukturları aktivləşir və bunu MRT görüntülərində də görmək mümkündür.

Klassik musiqi dinlədikdə, immunitet sisteminin güclənməsinə müsbət təsir göstərən beyində proseslərin harmonizasiyasına təsir edir. Bunun sübutu uzun ömürlü dirijorlar və bəstəkarlardır