Bakıdakı orta ümumtəhsil müəssisələrinin birində məktəbli qız cinsi qısnamaya məruz qalıb.

Oxu24.com-un  məlumatına görə, hadisənin görüntüsü məktəbdəki müşahidə kamerasına düşüb.

Təxminən 35 yaşlarında olan şəxs axşam saatlarında Bakıdakı orta məktəblərdən birinin dəhlizinə daxil olur.

Bir neçə dəqiqə dəhlizə göz gəzdirdikdən sonra girişdəki lövhənin qarşısında duran şagirdi çağırır. Söz soruşur və əli ilə nəyisə işarə edərək, azyaşlı qızı mərkəzdən uzaqlaşdırır. Dəhlizin digər tərəfindəki lövhədən asılan elanların qarşısında onunla birlikdə nəyisə müzakirə edir.

Lövhədə yazılanları bir-bir 11 yaşlı qıza oxutdurur. Kifayət qədər yaxın təmasa cəhd edir.

Burada qızsığaza qarşı nalayiq hərəkətlərə yol verdiyi iddia olunur. Bu zaman qız "telefonuma zəng gəlir" deyərək ondan uzaqlaşır və məktəbin dəhlizində oturan yaşlı mühafizəçiyə yaxınlaşır.

Məktəbə daxil olan şəxs şagirdə yenidən yaxınlaşmağa cəhd edəndə müəllimlərdən biri uşağı həmin şəxsin əlindən alır. Təxminən bir neçə dəqiqədən sonra isə hadisə yerinə valideyn yaxınlaşır və əlbəyaxa dava başlayır.

Məktəbli qızı cinsi qısnamaya məruz qoyan şəxsi valideyn elə həmin dəhlizdə mühafizəçi, müəllim və şagirdlərin qarşısında döyür. Ara qarışdıqda isə şübhəli şəxs hadisə yerindən qaçır.

Hadisə 11 yaşlı qızın dərs bitdikdən sonra məktəbin dəhlizində atasını gözləyərkən baş verib.

Məktəblinin atası "Xəzər Xəbər"ə açıqlamasında hadisənin axşam saatlarında baş verdiyini deyib. Bildirib ki, sözügedən təhsil ocağında onun iki övladı təhsil alır. 11 yaşlı qızı ikinci növbə oxuduğundan dərsdən 18.00- dan sonra çıxır.

Valideyn deyir ki, həmin vaxt dərs saatı olmadığından məktəbdə həm müəllimlər, həm də şagirdlər az olub. Dəhlizə çatarkən isə övladını göz yaşları içində görüb.

Hadisədən sonra valideyn 102-yə zəng edib və baş verənlərlə bağlı əraziyə polis əməkdaşları gəliblər.

Valideyn deyir ki, övladı hazırda psixoloji dəstək alır. Ciddi sarsıntı keçirən azyaşlı həkim nəzərəti altındadır.

Məsələyə münasibət bildirən Daxili İşlər Nazirliyinin mətbuat xidmətinin şöbə rəisi Elşad Hacıyev bildirdi ki, cinsi qısnama faktı təsdiqini tapıb. Artıq həmin şəxs tutularaq cinayət məsuliyyətinə cəlb edilib.

Bakı Şəhəri üzrə Təhsil İdarəsindən isə bildirildi ki, axşam saatlarında məktəbə daxil olan şəxs özünü valideyn kimi təqdim edib. Həmin vaxt valideynini gözləyən 5-ci sinif şagirdinə qarşı qeyri-etik hərəkətlərə yol verib. Hazırda sözügedən təhsil ocağında baş verənlər araşdırılır.

Xezerxeber.az mövzu ilə bağlı daha ətraflı videomaterialı təqdim edir:

Elgizin həyat yoldaşı görün kim imiş - VİDEO