Goranboy sakininin başına tragikomik hadisə gəlib. Təsərrüfatındakı iribuynuzlu heyvanlara bit düşüb. Onları sağaltmaq üçün dərman alıb. Vətəndaşın iddiasına görə preparat tam əks effekt verib. Belə ki,  dərmanı istifadə etdikdən sonra 6 baş buzov tələf olub. 

OXU24.COM xezerxeber-ə istinadən xəbər verir ki, heyvanlarını sağaltmaq üçün dərman aldı, nəticədə heyvanlar sağalmadan öldülər.

Mal-qara üçün baytarlıq aptekindən aldığı dərman 6 baş buzovun ölümünə səbəb olub. Goranboyun Yuxarı Ağcakənd qəsəbəsində məskunlaşan Kəlbəcər sakini Suliddin Verdiyev belə iddia edir. 

Ötən bazar günü mal-qarasında olan biti təmizləmək üçün aldığı dərman ilə heyvanlarını çimdirdikdən sonra 7-10 dəqiqə ərzində sakinin 6 baş buzovu tələf olub. Suliddin Verdiyev heyvanların ölmünə səbəbin həmin dərman olduğunu deyir.

Suliddin Verdiyevin dərmanı aldığı şəxslə biz də telefon vasitəsilə əlaqə saxlamağa çalışsaq da, o zənglərimizə cavab vermədi.

Onu da bildirək ki, 6 baş buzovun tələf olması təsərrüfat sahibinə 5 min manatdan artıq ziyan vurub. Ölmüş heyvanlardan baytarlıq əməkdaşları nümünlər götürüb. Həmin nümünələr Göygöl rayonunda yerləşən labaratoriyaya göndərilib. Tələf olan heyvanların ölüm səbəbi labarator analizlərdən sonra müəyyənləşəcək.

Baş verən hadisəynən bağlı Kəlbəcər sakini hüquq mühavizə orqanlarına da müraciət edib. DİN Mətbuat Xidmətindən bildirilib ki, məsələynən bağlı araşdırmalara başlanıb.