Ukraynada bu illn iyulun 12-ə olan məlumata görə, hərbi əməliyyatlar nəticəsində 348 uşaq həlak olub, 650-dən çoxu müxtəlif dərəcəli bədən xəsarətləri alıb.

OXU24.COM xarici agentliklərə istinaədn xəbər verir ki, bu barədə Ukrayna Baş prokurorluğunun mətbuat xidməti məlumat yayıb.

Qeyd edək ki, həmin rəqəmlər belə tam yekun sayılmır, söhbət yalnız sənədləşdirilmiş hallardan gedir.

“Ən son informasiyaya görə, bu ilin iyulun 11-də Rusiya ordusunun Xarkov şəhərinin mülki infrastrukturunu iriçaplı atəşə tutması nəticəsində 17 yaşlı yeniyetmə həlak olub, 4 və 16 yaşlı iki oğlan müxtəlif dərəcəli bədən xəsarətləri alıb", - deyə Baş prokurorluğun məlumatında bildirilir.

Rusiya Federasiyası silahlı qüvvələrinin Ukraynada bombardman və atəşə tutması nəticəsində 2121 təhsil müəssisəsi zərər görüb, onlardan 216-sı tamamilə dağıdılıb.