Sarımsağın köməyilə görmə qabiliyyətini bərpa etmək  mümkündür.
Zaman keçdikcə, sağlam insanın da orqanizmi zəifləyir. Bu gün bütün inkişaf etmiş ölkələrin sakinləri görmə qabiliyyətinin zəifləməsi kimi ciddi problemlə üzləşib.
 
Oxu24.com xəbər verir ki, araşdırmalara görə, 2050-ci ilə qədər dünya əhalisinin yarısı (təxminən 5 milyard) görmə qabiliyyətini itirəcək. Hazırda dünyada 2 milyarddan çox insan yaxını görmür.
 
50 yaşından sonra insanlarda torlu qişanın mühüm təbəqəsi getdikcə zəifləməyə başlayır. İl ərzində insan görmə qabiliyyətini itirir. Əvvəlcə təsvirlər qeyri-dəqiq görünür,  qara ləkələr yaranır. Daha sonra rəng duyumu pisləşir və insan eynəksiz keçinə bilmir. Bu yaxınlara qədər bu xəstəliyin sağalmaz olduğu hesab edilirdi. Amma elmi araşdırmalar insanları sevindirməyə tələsir.
 
Harvard Tibb Məktəbinin tədqiqatları göstərir ki, orqanizmdə xolesterinin səviyyəsini aşağı salmaqla, yaşla bağlı yaranmış görmə problemlərindən qaçmaq olar. Bu, onunla bağlıdır ki, yağ yığılması tor qişası altında toplanır, dolayısı ilə görmə qabiliyyətinin pisləşməsinə səbəb olur.
 
Xolesterin səviyyəsini azaldan vasitə istifadə etdikdən sonra 23 xəstənin görmə qabiliyyəti xeyli yaxşılaşıb. Ən maraqlısı odur ki, xolesterin səviyyəsini azaltmaq üçün xəstələrə sarımsaq verilib. Əgər hər gün yarım diş sarımsaq yesək, xolesterinin səviyyəsi təbii yolla xeyli aşağı düşəcək. Beləliklə, görmə qabiliyyəti də bərpa olunacaq.
 
Yüksək arterial təzyiq də torlu qişanın fəaliyyətinə mənfi təsir göstərir. Görmə qabiliyyətinin yaxşı olması üçün tor qişası daim oksigenlə doymalıdır. Sarımsaq bu məsələdə yenə də öz təsirini göstərir. Belə ki, bu təbii məhsul qan təzyiqini normaya salmağa kömək edir. Oxu24.com