İki gün əvvəl Bakının Sabunçu rayonunda itkin düşən qız tapılıb.

Bu barədə itkin düşən 2004-cü il təvəllüdlü Elnarə Əliyevanın atası Vahid Əliyev bildirib. Oxu24.com  trend-ə istinadən xəbər verir ki, atanın sözlərinə görə, qızı əslində itməyib, sadəcə qohumlarının evinə gedib:

"Elnarə ötən gün artıq tapılıb və evindədir. O, gecə vaxtı evdən çıxarkən nədənsə inciyərək xalasıgilə gedib. Saytlarda elan görən kimi, xalası dərhal polis ilə əlaqə saxlayaraq onun itmədiyini bildirib və daha sonra yaşadığımız evə gətirib".

Xatırladaq ki, 15 yaşlı Elnarə Əliyeva iki gün əvvəl gecə vaxtı evdən çıxaraq geri dönməmişdi. Onun yoxa çıxdığını görən valideynləri, Sabunçu Rayon Polis İdarəsinin 12-ci polis bölməsinə də məlumat vermişdilər. Oxu24.com