Aspirin ilk dəfə 1897-ci ildə Almaniyanın "Bayer" fabrikinin kimya laboratoriyasında hazırlanıb.

Oxu24.com medicina.az-a istinadən bildirir ki, indiyə qədər bu məşhur dərmanın əsl müəllifi məlum deyil. Belə hesab olunur ki, bu dərmanı Feliks Xoffman icad edib. Bəzi məlumatlara görə, kimyaçı Xoffman bu dərmanı uzun illər revmatik ağrılardan əziyyət çəkən atasına kömək etmək üçün hazırlayıb.

Aspirin dünyada ən çox satılan dərmanlarından biridir. Əsas vəzifəsi ağrıları azaltmaq və hərarəti salmaqdır. Bundan əlavə aspirin qan duruldan, infarkt və insultun riskinin azaldan vasitə kimi istifadə olunur. Son zamanlar aspirinin xərçəng əleyhinə təsiri də aşkar olunub. Bu faydalı xüsusiyyətlərlə yanaşı aspirinin bəzi çox ciddi əks təsirləri də mövcuddur. Uzun müddət ərzində aspirin qəbul edən insanlarda qanaxma, mədə xorası və qastrit inkişaf edə bilər. Bundan əlavə 16 yaşına qədər aspirinin qəbulu qadağandır ki, aspirin uşaq və yeniyetmələrdə nadir Rey sindromuna səbəb ola bilər. Qaraciyəri və beyini zədələyən bu sindrom xəstənin həlak olmasına gətirib çıxarda bilər.

Ginnes Rekordları Kitabına daxil olan bu dərman əsas funksiyalarından əlavə digər məqsədlərlə də istifadə olunur:

- Sızanaqları müalicə edir. (Aspirin həbləri əzilir, limon şirəsi ilə qarışdırırlır, yalnız sızanaqların üzərinə çəkilir, 20 dəqiqədən sonra silinir.)

- Həşəratların dişləməsi zamanı qaşınmanın qarşısını alır. (Aspirin suda həll olunur, dişlənmiş yerə çəkilir)

- Kəpəyi müalicə edir. (Aspirin əzilir, şampunla qarışdırılır, bu şampunla saçlar yuyulur)

Oxu24.com