Oruc bütün bədəni yeniləyir, ürəyi qoruyur - Faydaları

Ürək sağlamlığını qorumaq istəyənlər Ramazan ayını qaçırmasınlar. Orucun ürək sağlamlığına faydaları saysız-hesabsızdır. 

OXU24.COM  xəbər verir ki, ürək xəstəliyi olan şəxslər oruc tutmazdan əvvəl həkimləri ilə məsləhətləşməlidirlər.

Bundan əlavə, oruc tutarkən kifayət qədər maye qəbulu və pəhriz vacibdir, əks halda ürək sağlamlığına mənfi təsirlər ola bilər.

Qan təzyiqinə nəzarət:

Oruc tutmaq qan təzyiqini aşağı sala bilər. Uzun müddətli oruclar hipertansiyonlu şəxslərdə qan təzyiqini aşağı salaraq ürək sağlamlığına müsbət təsir göstərə bilər.

Xolesterol səviyyələri:

Orucun xolesterol səviyyəsini aşağı sala biləcəyi düşünülür. Xüsusilə, aşağı sıxlıqlı lipoprotein (LDL) xolesterol səviyyələrində azalma müşahidə edilə bilər ki, bu da ürək xəstəliyi riskini azaldır.

Qan şəkərinin yoxlanılması:

Oruc qan şəkərini nəzarət altında saxlamağa kömək edir. Xüsusilə nizamlı aralıqlarla və balanslaşdırılmış qidalanma ilə oruc tutmaq qan şəkərinin dəyişməsini azalda bilər və beləliklə 2-ci tip diabet riskini azaldır.

Çəki:

Oruc çəkiyə nəzarət etməyə kömək edir. Xüsusilə müntəzəm oruc tutmaq bədəndəki yağ miqdarını azaldır və buna görə də ürək sağlamlığını yaxşılaşdırır.

İltihabın azaldılması:

Bəzi araşdırmalar göstərir ki, oruc tutmaq iltihabı azalda bilər. Xroniki iltihab ürək xəstəliyi riskini artırır, buna görə də orucun bu təsiri ürək sağlamlığı üçün faydalıdır.

Stressin azaldılması:

Oruc tutmaq stress hormonlarını azalda bilər və buna görə də ürək sağlamlığına müsbət təsir göstərir. Stress ürək xəstəliyi riskini artırır, buna görə də stressi azaltmaq ürək sağlamlığı üçün vacibdir.